FARITRA ANALAMANGA MIADY AMIN'NY FIHANAKY NY CORONA VIRUS.
Mitohy hatrany ny famendrahana fanafody ataon'ny ekipan'ny Faritra Analamanga eny amin'ireo toerana be olona sy be mpiditra mba hamonoana ireo otrik'aretina Covid-19 mitarika ny aretina.
Teny Ambohipo tanàna indray no nanohizana izany, ny 21 aprily 2021, ka norarahana fanafody ny tsena, ny biraom-pokontany, ny fiangonana ary ireo sekoly maro teny an-toerana.
Entanina hatrany isika mba hitandrina ary tsy hivoaka raha tsy tena misy antony manokana tsy maintsy ivoahana araka ny toromariky ny Filoha farany teo.
Aza hadino ny arovava-orona hiarovanao ny tenanao sy hiarovana ny hafa.
Aza ny mpitandro filaminana sy ny sazy no atahorana fa ny fahasalamanao.
Isika rehetra MIARA-MIENTANA no handresena haingana io areti-mandoza TSY HITA MASO io.
